Նորություններ

«Աստղիկ» բժշկական կենտրոնի կաթվածի թիմի 
մասնագետների կողմից համահեղինակած հոդվածը լույս է տեսել Web of science շտեմարանի կողմից ազդեցության բարձր գործոն ունեցող BMC palliative care ամսագրում։
«Աստղիկ» բժշկական կենտրոնի ընդհանուր և անոթային նյարդաբանության ծառայության ղեկավար, ԵՊԲՀ նյարդաբանության ամբիոնի վարիչ, պրոֆեսոր Հովհաննես Մանվելյանի ղեկավարությամբ իրականացված հետազոտությունը նպատակ ուներ գնահատելու  Հայաստանում գլխուղեղի կաթված ունեցող տարեց բուժառուների պալիատիվ կարիքները և ստեղծել հիմքեր կաթվածի բաժանմունքում պալիատիվ խնամքի ծառայությունների ներդրման ուղղությամբ։
Ըստ «Աստղիկ» ԲԿ կաթվածի թիմի ղեկավար, հոդվածի գլխավոր հեղինակ Գրետա Սահակյանի` ներկայացվող գիտական փորձը ուղղված է բարելավելու 80 և բարձր տարիքի պացիենտներին մատուցվող կաթվածի անհետաձգելի բուժօգնության ծառայությունների  որակը և ապահովելու համապարփակ և պացիենտակենտրոն  բուժսպասարկում հիվանդության ցանկացած էտապում։

«Իշեմիկ կաթված ունեցող 80 և բարձր տարիքի պացիենտների անտեսված պալիատիվ կարիքները ռեպերֆուզիոն թերապիաներից հետո» (“Unaddressed palliative care needs of ischemic stroke patients treated with reperfusion therapies after age 80”) վերտառությամբ հոդվածն ամբողջությամբ հասանելի է հետևյալ հղումով.

https://link.springer.com/article/10.1186/s12904-025-01773-8?utm_source=rct_congratemailt&utm_medium=email&utm_campaign=oa_20250507&utm_content=10.1186%2Fs12904-025-01773-8