Նորություններ

Աստղիկ ԲԿ վիրաբույժ, ԵՊԲՀ Ընդհանուր վիրաբուժության ամբիոնի դոցենտ, բ.գ.թ. Հայկ Վաչագանի Հարությունյանը սեպտեմբերին անցել է մեկ ամսյա վերապատրաստում Ֆրանսիայի Saint Eloia հոսպիտալում։

Մոնտպելիեի համալսարանական հիվանդանոցը լյարդի, լեղուղիների, ենթաստամոքսային գեղձի վիրաբուժության և փոխպատվաստման առաջատար կենտրոններից մեկն է ամբողջ աշխարհում։

Պրոֆեսոր Ֆրանցիզ Նավարոյի ղեկավարությամբ տարեկան կատարվում է 70-80 դիակային դոնորից լյարդի փոխպատվաստում։ Կենտրոնում 1000-ից ավել լյարդի փոխպատվաստում է իրականացվել։

Պրոֆեսիոնալ թիմի հետ բժիշկ Հարությունյանը մասնակցել է մի շարք վիրահատությունների, մասնավորապես` դիակային օրգաններ վերցնելուն, նախապատրաստմանը և փոխպատվաստմանը։

Հ.Վ. Հարությունյանը նշում է, որ CHU Saint Eloi - CHIRURGIE DIGESTIVE, HEPATO-BILIAIRE

ET TRANSPLANTATION կենտրոնում ոչ միայն վիրաբուժական հմտությունների կատարելագործման հնարավորություն է

ունեցել, այլ նաև սովորել է, թե ինչպես են կազմակերպում թիմային աշխատանքն ու կառավարում տրանսպլանտ կենտրոնը։

Բժիշկ Հ.Վ. Հարությունյանի հրավերով պրոֆեսոր Ֆրանցիզ

Նավարոն մոտ ժամանակներս կայցելի Աստղիկ ԲԿ՝ փորձի փոխանակման և հետագա համատեղ արդյունավետ համագործակցության համար։