Էնդոկրինոլոգիական բաժանմունքը մատուցում է մասնագիտացված բժշկական օգնություն մեծահասակներին և երեխաներին՝ էնդոկրին համակարգի հիվանդությունների ախտորոշման, բուժման և երկարաժամկետ հսկողության ոլորտում։ Բաժանմունքի աշխատանքը հիմնված է ապացուցողական բժշկության սկզբունքների և միջազգային կլինիկական ուղեցույցների վրա՝ յուրաքանչյուր պացիենտի նկատմամբ ապահովելով անհատական մոտեցում։

Բաժանմունքի կառուցվածքը

Մեծահասակների էնդոկրինոլոգիա

• ամբուլատոր խորհրդատվություն,
• ախտորոշում և բուժման պլանավորում,
• դեղորայքային բուժման ընտրություն և ճշգրտում,
• դիսպանսեր հսկողություն,
• ցերեկային ստացիոնար

Մանկական էնդոկրինոլոգիա

• ամբուլատոր խորհրդատվություն,
• երեխաների և դեռահասների էնդոկրին հիվանդությունների ախտորոշում, բուժում և դինամիկ հսկողություն։

Մեր մասնագիտացման ուղղությունները

Բաժանմունքում իրականացվում է հետևյալ հիվանդությունների ախտորոշումն ու բուժումը․

• 1-ին և 2-րդ տիպի շաքարային դիաբետ,
• հղիության ընթացքում զարգացած շաքարային դիաբետ,
• վահանաձև գեղձի հիվանդություններ,
• հիպոֆիզի հիվանդություններ,
• մակերիկամների հիվանդություններ,
• հարավահանաձև գեղձերի հիվանդություններ և կալցիումաֆոսֆորային փոխանակության խանգարումներ,
• օստեոպորոզ և ոսկրային նյութափոխանակության այլ խանգարումներ,
• ճարպակալում և մետաբոլիկ համախտանիշ,
• լիպիդային փոխանակության խանգարումներ,
• էնդոկրին ծագման զարկերակային գերճնշում,
• երեխաների աճի և սեռական զարգացման խանգարումներ,
• մանկական տարիքի բնածին և ձեռքբերովի էնդոկրին հիվանդություններ,
• հորմոնային այլ խանգարումներ։

Շաքարային դիաբետի ժամանակակից կառավարում

Բաժանմունքում շաքարային դիաբետով պացիենտների վարումն իրականացվում է ժամանակակից տեխնոլոգիաների կիրառմամբ։

Մեր ծառայությունները ներառում են․

• ինսուլինային պոմպերի տեղադրում և անհատական կարգավորում,
• պացիենտների ուսուցում ինսուլինային պոմպային թերապիայի վերաբերյալ,
• գլյուկոզայի շարունակական մոնիթորինգի (CGM) համակարգերի տեղադրում, միացում և հետագա հսկողություն,
• գլիկեմիայի տվյալների վերլուծություն՝ ժամանակակից թվային հարթակների օգնությամբ,
• շաքարային դիաբետի ինքնակառավարման և ինքնահսկողության ուսուցում։

Բաժանմունքի մասնագետները տրամադրում են համալիր և շարունակական մասնագիտական աջակցություն բոլոր տարիքային խմբերի պացիենտներին՝ նպաստելով հիվանդության արդյունավետ վերահսկմանը, բարդությունների կանխարգելմանը և կյանքի որակի բարելավմանը։