Նորություններ

Դիաբետիկ ոտնաթաթը համարվում է շաքարային դիաբետի ամենածանր և ամենաուշ բարդությունը, որը բերում է բժշկական, սոցիալական և տնտեսական մեծ խնդիրների զարգացմանը։ Այդ համախտանիշը ներառում է նյարդային, մկանային, ոսկրա-հոդային անոթային համակարգերի ախտահարումը։ Հաշվի առնելով «Դիաբետիկ ոտնաթաթ» համախտանիշի մուլտիդիսցիպլինար վարման անհրաժեշտությունը և արդյունավետությունը՝ տվյալ գիտաժողովի նպատակն է քննարկել տվյալ համախտանիշի զարգացման ախտածագումը տարբեր նեղ մասնագիտական տեսանկյունից, վարման առանձնահատկությունները և փոխհամագործակցության անհրաժեշտությունը։ Տվյալ սեմինարի շրջանակներում տարբեր մասնագիտական զեկույցների և քննարկումների արդյունքում կդիտարկվեն «Դիաբետիկ ոտնաթաթ» համախտանիշի բոլոր ռիսկային հատվածները, ինչի արդյունքում լսարանը կկարողանա ձեռք բերել բոլոր անհրաժեշտ գիտելիքները այդ համախտանիշի արդյունավետ բուժման համար։ Հրավիրյալ դասախոսների ցանկում կան նաև հատուկ մասնագիտացված կենտրոնների բժիշկներ, ովքեր կկիսվեն իրենց փորձով ինչպես ճիշտ և արդյունավետ կազմակերպել «Դիաբետիկ ոտնաթաթ» համախտանիշով պացիենտների վարումը, ինչպես նաև բոլոր նեղ մասնագետների արդյունավետ համագործակցությունը, ինչը յուրահատուկ է Հայաստանի Հանրապետության առողջապահական համակարգի համար։
Թիրախային լսարան՝ անոթային վիրաբույժներ, նյարդաբաններ, էնդոկրինոլոգներ, վնասվածքաբան-օրթոպեդներ, ռադիոլոգներ։
Ծրագիրը ներկայացված է ՀՀ ԱՆ՝ ՇՄԶ կրեդիտավորման։
Մասնակցության վճար՝ 5000 դրամ։
Նախապես գրանցումը պարտադիր է
Գրանցվել կարող եք հետևյալ հղումով` https://forms.gle/2GJuHr5eAUnJ8AsUA

Օրակարգ